loader image

Author name: admin

Uncategorized

ZIC Sports Bonanza 2026 Promotes Health and Community Spirit in PembaNEW

/

The Zanzibar Insurance Corporation (ZIC) successfully hosted the ZIC Sports Bonanza 2026 at Gombani Grounds in the South Pemba Region, bringing together community members in a vibrant event focused on health, unity, and awareness.
The initiative aimed to encourage a culture of regular physical exercise while also educating the public on the importance of insurance in everyday life. The event was officially launched by the District Commissioner of Micheweni, Hon. Khatib Juma Mjaja, through a ceremonial walk that began at PBZ Chake Chake and concluded at the event venue.
In his address, Hon. Mjaja praised ZIC for its commitment to community development, highlighting the bonanza as a valuable platform for strengthening social bonds and promoting healthier lifestyles among citizens.
The one-day event featured a series of football matches involving multiple teams, creating an exciting and competitive atmosphere. The event was officially closed by the Permanent Secretary of the Ministry of Information, Youth, Culture and Sports, Mr. Mattar Zahor Masoud. Team Voxy emerged as the winner, earning qualification to represent Pemba in this year’s finals.
In his closing remarks, Mr. Mattar commended all participants for their enthusiasm and encouraged greater community participation in future editions. He also urged ZIC to continue organizing such impactful events annually.
Event Details:
📅 April 11, 2026
📍 Chake Chake, Pemba

Uncategorized

ZIC YAFUTARISHA WADAU WA BIMA ZANZIBAR KUIMARISHA USHIRIKIANO

/

Shirika la Bima la Zanzibar limeandaa hafla ya futari (Iftar) kwa wadau wake mbalimbali katika Hoteli ya Verde iliyopo Mtoni Zanzibar, ikiwa ni sehemu ya kuimarisha mahusiano na ushirikiano kati ya shirika hilo na taasisi mbalimbali zinazoshirikiana nalo katika utoaji wa huduma za bima.
Mgeni rasmi katika hafla hiyo alikuwa Waziri wa Fedha na Mipango Zanzibar, Mheshimiwa Dkt. Juma Malik Akil, ambaye alipongeza juhudi za Shirika la Bima la Zanzibar katika kuimarisha sekta ya bima
na kuchangia maendeleo ya uchumi wa Zanzibar kupitia huduma zake.
Katika hotuba yake, Mwenyekiti wa Bodi ya Wakurugenzi Bw. Ali Mzee Ali alieleza kuwa hafla hiyo ni sehemu ya utamaduni wa shirika wa kukutana na wadau wake katika mwezi mtukufu wa Ramadhani, kujadiliana mafanikio yaliyopatikana pamoja na kuimarisha mikakati ya baadaye ya kukuza sekta ya bima Zanzibar.
Kwa upande wake, Mkurugenzi Mwendeshaji wa Shirika la Bima la Zanzibar, Bw. Jape Ussi Khamis, alisema shirika linaendelea kubuni na kuboresha huduma zake ili kukidhi mahitaji ya wananchi na taasisi mbalimbali, huku likiimarisha ushirikiano na sekta ya benki na wadau wengine muhimu.
Hafla hiyo ilihudhuriwa na wakuu wa taasisi mbalimbali za umma na binafsi, madalali na mawakala wa bima, pamoja na wawakilishi wa mabenki yanayoshirikiana na Shirika la Bima la Zanzibar katika
utoaji wa huduma za bima.
Shirika la Bima la Zanzibar linaendelea kuimarisha upatikanaji wa huduma za bima nchini na kuongeza mchango wake katika maendeleo ya uchumi wa Zanzibar kwa kushirikiana na wadau mbalimbali wa sekta ya fedha.

Uncategorized

ZIC TAWI LA DAR ES SALAAM LAANDAA IFTAR MAALUM KWA WAFANYAKAZI

/

Shirika la Bima la Zanzibar (ZIC) tawi la Dar es Salaam limeandaa hafla maalum ya Iftar iliyofanyika tarehe 4 Machi 2026 katika ukumbi wa Rotana jijini Dar es Salaam. Hafla hiyo iliandaliwa ikiwa ni sehemu ya kuendeleza mshikamano, ushirikiano na kuimarisha mahusiano miongoni mwa wafanyakazi wa shirika wakati wa mwezi mtukufu wa Ramadan.
Mgeni rasmi katika hafla hiyo alikuwa Ridhiwani Kikwete, Waziri wa Nchi, Ofisi ya Rais (Utumishi na Utawala Bora). Katika hotuba yake, alilipongeza Shirika la Bima la Zanzibar kwa kuandaa hafla hiyo muhimu ambayo inaleta pamoja wafanyakazi katika mazingira ya kirafiki na ya kiimani. Alisisitiza umuhimu wa mshikamano, maadili mema kazini pamoja na kuendelea kufanya kazi kwa bidii ili kuimarisha utoaji wa huduma bora kwa wananchi.
Aidha, alieleza kuwa matukio kama haya huchangia kujenga umoja na kuimarisha mahusiano kati ya wafanyakazi, jambo ambalo linaongeza ari ya kazi na kusaidia taasisi kufikia malengo yake kwa ufanisi zaidi.
Hafla hiyo ilihudhuriwa na wafanyakazi mbalimbali wa Shirika la Bima la Zanzibar kutoka vitengo tofauti, ambapo walipata fursa ya kukutana, kubadilishana mawazo na kuimarisha ushirikiano wao. Vilevile, washiriki walipata muda wa pamoja wa kufutari na kuendelea kuzungumza kuhusu namna bora ya kuendeleza kazi za shirika na kutoa huduma bora zaidi kwa wateja.
Uongozi wa ZIC tawi la Dar es Salaam ulieleza kuwa shughuli hiyo ni sehemu ya juhudi za shirika katika kujenga utamaduni wa mshikamano na kuthamini mchango wa wafanyakazi wake. Pia ulisisitiza kuwa shirika litaendelea kuandaa shughuli kama hizo ambazo zinakuza mahusiano mazuri kazini na kuimarisha mazingira ya kazi.
Hafla hiyo ilimalizika kwa dua maalum na mazungumzo ya kirafiki miongoni mwa washiriki, hali iliyodhihirisha umoja na mshikamano uliopo ndani ya familia ya Shirika la Bima la Zanzibar.

Events

ZIC YASHIRIKI PUBLIC SERVICE INNOVATION AWARD 2026 – ZANZIBAR CLUSTER

/

Shirika la Bima Zanzibar (ZIC) limeshiriki katika hafla ya Public Service Innovation Award 2026 (Zanzibar Cluster) iliyofanyika katika Golden Tulip Airport Hotel. Hafla hii imelenga kutambua na kuthamini taasisi za umma zinazobuni na kutekeleza mifumo bora ya utoaji huduma kwa wananchi.

Katika tukio hilo, ZIC ilifanikiwa kushinda tuzo ya Public Service Innovation Award, ikiwa ni ushahidi wa juhudi zake katika kuimarisha ubunifu, ufanisi, na ubora wa huduma zinazotolewa kwa jamii. Ushindi huu unaonesha dhamira ya ZIC katika kuunga mkono mageuzi ya huduma za umma na kuchangia maendeleo endelevu ya Zanzibar.

ZIC itaendelea kuimarisha ubunifu na mifumo ya kisasa ili kuhakikisha huduma bora, za haraka na zenye kuaminika kwa wateja wake.

Events

ZIC Yampongeza Ndugu Jape U. Khamis kwa Kuteuliwa Kuwa Mkurugenzi Mtendaji wa Shirika

/

Zanzibar Insurance Corporation (ZIC) inampongeza kwa dhati Ndugu Jape U. Khamis kwa kuteuliwa kuwa Mkurugenzi Mtendaji wa Shirika. Uteuzi huu ni ishara ya imani na kutambuliwa kwa uwezo, uzoefu, na mchango wake katika kuimarisha utendaji wa taasisi.

ZIC inaamini kuwa chini ya uongozi wake, shirika litaendelea kuimarisha mifumo ya utawala bora, kuboresha utoaji wa huduma za bima, na kuongeza ufanisi wa kiutendaji kwa manufaa ya wateja, wadau, na maendeleo ya sekta ya bima kwa ujumla.

Shirika linamtakia kila la kheri katika kutekeleza majukumu yake mapya na linatoa ushirikiano kamili ili kuhakikisha malengo ya ZIC yanafikiwa kwa mafanikio.

Events

ZIC YAPOKEA TUZO YA SHIRIKA BORA KWA UTOAJI WA HUDUMA ZA BIMA

/

Zanzibar Insurance Corporation (ZIC) imepokea tuzo ya Shirika Bora kwa Utoaji wa Huduma za Bima, ikiwa ni kutambua mchango wake katika kutoa huduma bora, za kuaminika na zenye kuzingatia mahitaji ya wateja.

Tuzo hiyo imetolewa kutokana na juhudi za ZIC katika kuimarisha viwango vya utoaji huduma, kuboresha mifumo ya kiutendaji, pamoja na kuzingatia maadili ya uwajibikaji, uwazi na ufanisi katika huduma za bima kwa wananchi na taasisi mbalimbali.

Kupokea tuzo hii ni ishara ya imani na kutambuliwa kwa kazi inayofanywa na ZIC katika sekta ya bima, na pia ni motisha kwa taasisi kuendelea kuboresha huduma zake ili kukidhi matarajio ya wateja na wadau wake. ZIC imeeleza kuwa itaendelea kujitolea kutoa huduma bora zaidi na kuchangia maendeleo ya sekta ya bima na uchumi wa taifa kwa ujumla.

Events

ZIC YATOA ZAWADI KWA WATEJA WAKE SIKU YA HUDUMA KWA WATEJA

/

Zanzibar Insurance Corporation (ZIC) imetoa tunzo na zawadi maalum kwa wateja wake kuadhimisha Siku ya Huduma kwa Wateja. Tukio hili linalenga kutambua na kuthamini wateja kwa uaminifu wao na mchango wao katika ukuaji wa kampuni. Wateja walipata fursa ya kushiriki katika burudani mbalimbali, kujifunza kuhusu bidhaa na huduma za ZIC, pamoja na kutoa maoni yao kuhusu jinsi kampuni inaweza kuboresha huduma.

Kwa kutoa tunzo hizi, ZIC inaonyesha dhamira yake ya kuboresha huduma kwa wateja wake, kukuza uhusiano wa kudumu, na kuhakikisha wateja wanahisi kuthaminiwa kila siku. Tukio hili limeimarisha zaidi imani ya wateja na kuongeza motisha ya kushirikiana na ZIC katika siku za usoni.

Events

ZIC Yashiriki Utiaji Saini wa Udhamini wa Mashindano ya Mapinduzi Cup 2026

/

Zanzibar Insurance Corporation (ZIC) imeshiriki rasmi katika hafla ya utiaji saini wa makubaliano ya udhamini wa mashindano ya Mapinduzi Cup 2026, tukio muhimu linaloonesha dhamira ya taasisi hiyo katika kuunga mkono maendeleo ya michezo, hususan soka, nchini.

Hafla hiyo ya utiaji saini imewakutanisha wadau mbalimbali wa michezo, viongozi wa taasisi za umma na binafsi, pamoja na wawakilishi wa kamati ya maandalizi ya mashindano hayo. Kupitia udhamini huu, ZIC imeonesha utayari wake wa kushiriki kikamilifu katika kukuza vipaji vya michezo, kuimarisha mshikamano wa kijamii, na kuendeleza taswira chanya ya Zanzibar kitaifa na kimataifa.

Udhamini wa Mapinduzi Cup 2026 ni sehemu ya mkakati wa ZIC wa kurudisha kwa jamii (Corporate Social Responsibility – CSR), kwa kutambua mchango mkubwa wa michezo katika kuhamasisha umoja, ajira kwa vijana, na kukuza uchumi kupitia sekta ya michezo. Mashindano ya Mapinduzi Cup yamekuwa jukwaa muhimu la kuibua vipaji vya wachezaji, kuimarisha ushindani wa kirafiki kati ya timu, na kuvutia mashabiki wengi wa soka ndani na nje ya nchi.

Akizungumza katika hafla hiyo, mwakilishi wa ZIC alisisitiza kuwa taasisi itaendelea kushirikiana na wadau mbalimbali katika kuunga mkono shughuli za kijamii na kitaifa, ikiwemo michezo, elimu na afya, kama sehemu ya mchango wake katika maendeleo endelevu ya taifa.

Kwa upande wao, waandaaji wa Mapinduzi Cup walieleza shukrani zao kwa ZIC kwa kuonesha imani na kuunga mkono mashindano hayo, wakieleza kuwa udhamini huo utachangia kwa kiasi kikubwa kufanikisha maandalizi na uendeshaji wa mashindano ya Mapinduzi Cup 2026 kwa kiwango cha juu zaidi.

Ushiriki wa ZIC katika udhamini wa Mapinduzi Cup 2026 unaonesha nafasi yake si tu kama mtoa huduma za bima, bali pia kama mdau muhimu wa maendeleo ya jamii na mshirika wa kweli katika kuendeleza michezo na vipaji vya vijana nchini.

Scroll to Top